Danezana encamê ya Civîna Bilind a NATO'yê hat daxuyandin. Di raporê de hat diyarkirin ku di demên dawî de Rûsyayê îstikrara fealiyetên xwe û pêbaweriya wan kêm kiriye. Di raporê de têkildarî Tirkiye û Îranî de jî peyamên girîng cih girtin.
Li bajarê Bêşawir ê rojavayê Pakistanê di nava girseyeke ku li hev kom bûbûn de pêk hat. Di teqîna ku Talîbanê girt zer xwe de herî kêm 20 kesan jiyana xwe ji dest dan.
Rêveberên Yekîtiya Ewropayê (YE), piştî danûstandinên bi saetan li hev kirin ku Navendên Koçberan ên bi kontrol bên avakirin û hemû koçberan li vir kontrol û bi sînor bikin.
Yekîtiya Ewropa (YE), daxwaza Tirkiyeyê ya ku yekîtiya gumrikê fireh bike qebûl nekir û daxwaza Tirkiye red kir. YE diyar kir ku Tirkiye ji nirx û pîvanên YE'ê dûr dikeve û edalet, azadiya îfade û çapemeniyê mînak nîşan da.
Komîserê Bilind ê Mafên Mirovan a Neteweyên Yekbûyî (NY) Zeîd Al Husseîn, diyar kir ku hişmendiya nijadperest û şovenist li cîhanê belav dibe û ev cîhanê dixe nava talûkeyek mezin. Husseîn, bal kişand ser geşedanên li Tirkiye û wiha got: "Li bajarên herêmê têkildarî mirin, tundî û bûyerên pêş dikevin du lêpirsîn nayê kirin."
Li Nîkaragûayê di roja 42’yemîn a çalakiyan de heta niha 86 kes hatin kuştin û 860 welatî birîndar bûn.
Dadgeha Gelan a Daîmî (Trîbûnal a Navneteweyî) ji ber sûcên Tirkiyeyê yên li dijî Kurdan kirin, dadgeh kir û biryar eşkere kir. Trîbûnala Navneteweyî, Tirkiye bi sûcê şer û sûcê dewletê mehkûm kir. Erdogan û hikûmeta wî berpirsê şer û sûcan dît.
Serokdewletê Venezuelayê Nicolas Maduro careke din di hilbijartinê de bi ser ket û bû serokdewletê Venezuelayê.
Serokwezîrê Iraqê Heyder Ebadî û serokê Şîî yê îtîfaqa Saîron Muqteda El Sedr li Bexda hatin gel hev. Piştî hevdîtinê daxuyaniya hevpar hat dayîn û hat gotin: “Ji bo demildest hikûmeta Iraqê bê avakirin li hev kirin.”
Li paytexta Kuba Havanayê balafireke rêwiyan ket.
Dadgeha DYA'yê 32 meh ceza li midûrê giştî yê berê yê Bankaya Halkê Mehmet Hakan Atilla birî. Ji ber mueyîdeyên li ser Îranê sepand, dadgehê di çarçoveya pênc tawanbariyên cuda de ceza li Hakan birî.
Wezîrê Karên Derve yê Tirkiye Mevlut Çavuşoglu, dê bi Wezîrê Karên Derve yê DYA Mike Pompeo re bê cem hev. Li bendê ye ku li ser mijara balafirên şer ên Lockheed Martin F-35 Lightning II bazarê bikin. DYA di kongreyê de bi du hewldanên zagonî teslîmkirina balafiran da rawestandin û ev yek bû sedema ku krîz kûr bibe.
Leşkerên Îsraîlî gule li xwepêşandarên Fîlîstînî yên vekirina balyozxaneya DYA ya li Qudusê şermezar kirin rejandin, 37 kes mirin û bi sedan kes birîndar bûn.
Hilbijartina parlamentoyê ya Lubnanê ku gelek partî ketine pêşbirgê dest pê kir.
Wezareta Parastina Rûsyayê ragihand ku balafira wan a şer a Tîpa SU-30 li Sûriyeyê ket û du pîlotan jiyana xwe ji dest dan.