Seroka Lijneya Rêveberiya UNÎCEF’ê Henrîetta Fore, bertek nîşanî operasyona Tirkiyeyê ya li dijî Bakur û Rojhilatê Sûriyeyê da û ev hişyarî kir: “Di warê mirovî de, wê encamên dramatîk derbikevin holê.”
Nûnerê Taybet ê Têkoşîna li dijî DAIŞ'ê yê DYA'yê Brett Mcgruk, piştî operasyona TSK'ê ya li dijî Bakur û Rojhilatê Sûriyeyê diyar kir ku encama van êrîşan wê giran be û wiha got: "DAIŞ di nava vê aloziyê de xwe amade dike ku xwe ji nûve ava bike. "
Senatorê Komarparêz ê DYA'yî Lindsey Graham bertek nîşanî operasyona li dijî Bakur û Rojhilatê Sûriyeyê da û wiha got: "Eger agahiyên operasyonê rast bin û Tirkiye ketibe Sûriyeyê, kevirên rêya diçe dojehê datîne."
Li bajarên Bruksel, Strasbourg, Stuttgart û Roma yên welatên ewropa Kurd û dostên Kurdan daketin kolanan û bertekên li dijî operasyona Bakur û Rojhilatê Sûriyeyê anîn ziman û xwestin parastina Rojava bikin.
Wezareta Karên Derve ya Sûriyeyê, bertek nîşanî sewqiyata leşkerî ya ser sînor a Tirkiyeyê ya ji bo operasyona li hemberî Bakur û Rojhilatê Sûriyeyê da û diyar kir ku ev yek binpêkirina biryara KENY'yê ye.
Serokkomarê Îranê Hesen Rûhanî banga devjêberdana operasyona li hemberî Bakur û Rojhilatê Sûriyeyê kir û xwest ku hêzên Rejîma Sûriyeyê li ser sînor bi cih bibe.
Hat diyarkirin ku Pentagon ku ragihandibû "piştgirî nade operasyonê" jî tev lî hevdîtina bi rêya telefonê ya di navbera Erdogan û Trump de ku têde plana operasyona Tirkiyeyê ya li hemberî Bakur û Rojhilatê Sûriyeyê hatibû kirin, bûye.
Wezîrê Karên Derve yê Rûsyayê Sergey Lavrov, têkildarî operasyona Bakur û Rojhilatê Sûriyeyê axivî û diyar kir ku ji bo diyaloga navbera kurdan û Şamê amade ne û divê pirsgirêk bi rêya diyalogê bê çareserkirin.
Pentagonê, daxuyand ku ji bo ewlehiyê wan leşkerên xwe ji herêma operasyonê derxistiye.
Alîkarê Wezîrê Karê Navxweyî yê Sûriyeyê Faysal Mikdad, bang li Kurdan kir ku tevlî hêzên rejîmê bibin û got: “Em ê destûrê nedin dagirkeriyê.”
Çapemeniya DYA, bal kişand ser naverok û hûrguliyên navbera axaftina Erdogan û Trump a bi telefonê. Kovara Newsweekê, di nûçeya xwe de diyar kir ku Erdogan pêşniyar kiriye ku berpirsiyariya girtiyên DAIŞ'ê bigirin ser xwe.
Wezîrê Karên Derve yê Îranê Cevad Zarîf diyar kir ku li hemberî liv û tevgereke leşkerî ya Tirkiyeyê ya li hemberî Bakur û Rojhilatê Sûriyeyê ne û pêşniyara Mutabaqata Edeneyê li Tirkiyeyê kir
Nûnerê Amerîkayê yê berê yê Koalîsyona Navdewletî ya li dijî DAIŞ`ê Brett McGurk li ser Twitterê nerehetiya xwe der barê daxuyaniya Koşka Spî de anî ziman û got biryara DYA’yê ji Rûsya, Îran û DAIŞ’ê re wekî diyariyekê ye û Trump şaşiyên kambaxtir dubare dike.
Neteweyên Yekbûyî têkildarî operasyonek muhtemel a li dijî Rojava daxuyanî da û bang li hemû aliyan kir. Kordînatorê Alîkariya Mirovî ya ji bo Krîza Sûriyê yê NY Panos Moumtzis li Cenevre daxuyanî da û got: “Em nizanin wê çi bibe… Em ji rewşa herî xirab re xwe amade dikin.”
Serokwezîrê Iraqê Adil Abdulmehdî ji ber çalakiyên ku tên lidarxistin, li paytext Bexdayê derketina derve qedexe kir.