Şandeya DEM Partî û DBP’ê li Silêmaniyê çûn serdana gora Mam Celal Talebanî. Hevserokê DEM Partiya Tuncer Bakir da zanîn ku Mam Celal ji bo her çar parçeyên Kurdistanê têkoşiyaye. Bakirhan derbarê pêvajoyê de jî got; “Em li bendê ne ku dê di rojên pêş de pêşketinên nû çêbibin.”

 

Şandeya DEM Partî û DBP’ê ku ji bo kongreya Hevpeymaniya Sosyal Demokrat ya Cîhana Erebî bibin 3 roj in li Silêmaniyê ye, serdana gora Mam Celal Talebanî kir.

 

Hevserokê DEM Partiyê Tuncer Bakirhan li ser gora Mam Celal axaftinek kir û got; “Mam Celal ne tenê ji bo Başûrê Kurdistanê xebat kiriye, di heman demê de ji bo her çar parçeyên Kurdistanê di nava hewldanan de bû, dostê nêzîk yê birêz Ocalan bû û bihevre ji bo mafê rewa yê Gelê Kurd di nava hewldanan de bûn. Mam Celal hertim hewl dida aştiya di navbera Kurd û dewleta Tirka de bi ser bikeve.”

 

Bakirhan derbarê pêvajoya aştiyê ya li Tirkiyeyê ev tişt got; “Tevî ku hêdî ye, li Tirkiyeyê aştî bi awayek baş pêşve diçe û ev yek cihê kêfxweşiyê ye. Ji ber ku pirsgirêkek xwedî dîrokek sedsalî heye, em baweriya xwe bi gel û rêxistina xwe tînin. Em li bendêne ku di rojên pêş de pêşketinên nû çêbibin.”

 

Tuncer Bakirhan got ku heya niha jî peyamên weke yek dewlet û yek netew ji aliyê dewletê ve tên dayîn û ev jî xizmeta qonaxê nake. Bakirhan got; “Pêvajoya aştiyê derfeta dawî ya Tirkiyeyê ye, têkoşîna me hemû ji bo serxistina pêvajoyê ye.”

 

Hêjayî gotinê ye şandeya DEM Partî û DBP’ê ya ku ji Hevserokê Giştî yê DEM Partiyê Tuncer Bakirhan, Hevserokên Giştî yên DBP’ê Keskîn Bayindir û Çîgdem Kiliçgun Ûçar, herwiha parlamenterên DEM Partiyê Gulcan Kaçmaz, Sabahet Erdogan Saritaş, Ebru Gunay, Murad Sarisaç û Cengîz Çandar pêk tên, di 27’ê Tebaxê de ji bo tevlî Kongreya Hevpeymaniya Sosyal Demokrat ya Cîhana Erebî bibin, hatine Silêmaniyê.