Behiye Nayir ku têkoşîna keça xwe Pakîze Nayir vegot, diyar kir ku piştî kuştina keça xwe tekoşîna wê dewr girtiye û ev tişt got: "Di beşdarbûna min a xebatên partiyê de roleke mezin a Pakîze heye." Hevalên Pakîze jî destnîşan kirin ku piştî kuştina wê gelek kesan daye ser rêya wê û tevlî xebatên partiye bûne.
Li navçeya Nisêbînê, jina bi navê Safiye Ok ku hat angaştkirin întihar kiriye, bi awayekî biguman jinaya xwe ji dest daye.
Parlementera HDP'ê Mûazzez Orhan a li Wanê bi jinan re hat gelhev, diyar kir ku çavkaniya hemû pirsgirêkên li welat tecrîda li Îmraliyê ye û wiha got: "Heta ku deriyên Îmraliyê nevebin, aştî pêk nayê, qeyrana aborî çareser nabe û demokrasî û edalet nayê vî welatî."
Meclîsa Dayikên Aştiyê ku avakirina xwe ragihand, xwestin tecrîd were bidawîkirin û girtiyên nexweş bên berdan.
Kesên hevaltiya Fatma Ûyarê kirine, salên wê yên ewil ên di nava têkoşînê de bibîr xistin û gotin: "Zarok bû, biçûçik bû, lê bi qasî ku karibû barê cîhanê hilgire bihêz û wêrek bû."
Bîrgul Ozkan a li navçeya Karpûzlû dijiya, li mala ku lê dijî bi awayekî biguman jiyana xwe ji dest da.
TJA’yê di peyama ku bi 4 zimanan weşand de li dijî serweriya zilam a tê ferzkirin, sala nû li gel û li jinên li ber xwe didin pîroz kir .
Meclîsa Jinan a HDP’ê ya Îzmîrê, 39’emîn rojbûna Denîz Poyraz li ser gora wê pîroz kir.
Lîstikvan Shaghayegh Noroûzî ku ji ber gefên bi destdirêjiyê lê dihatin xwarin ji Îranê koçî Spanyayê kir û bi Tevgera Metooyê hatiye naskirin, Şoreşa Rojavayê ya jê re bûye îlham bi van gotinan pênase kir: "Serketina têkoşîna jinê."
Hevala Garîbe Gezer a girtîgehê Denîz Tepelî ku bûbû şahidê mirina Gezer, ji ber ku giliya wî nayê qebûlkirin û weke şahid nayê guhdarkirin dest bi çalakiya greva birçîbûnê ya bêdem û bêdorveger kir.
Jina ku li Mêrdînê rastî tecawiza çawişê pispor Omer Ayas û Muhammet Toprak hat, bi piştgiriya baroyê giliyê wan kir. Her du zilamên ku di îfadeyên xwe de “rizabûn” parastine, dê negirtî bên darizandin.
Li Girtîgeha Tarsûsê ya Jinan 4 girtiyan bi armanca hişyariyê ji bo 3 rojan greva birçîbûnê dan destpêkirin û girtiyan diyar kiriye heke dawî li bêhiqûqiyê li ser wan were dê çalakiya xwe bi dawî bikin.
Parlamentera HDP'ê Dîlan Dîrayet Taşdemîr ku mirinen li girtîgehan weke "komkujî" pênase kir, got ku berpirsên komkujiya li girtîgehan desthilata AKP-MHP'ê ye û girtîgeh bûne malên mirinê.
Rêxistinên jinan ragihandin ku dê di danişîna ewil a doza Denîz Poyrazê de li ber edliyeyê bin û bang li her kesî kirin ku tevli danişînê bibin.
Jinan xwest li Nisêbînê li dijî destavêtin, destdirêjî û kuştina jinan çalakî li dar bixin. Polîsan çalakiyan asteng kir. Jinan guh neda astengiyê û bi berzkirina dirûşman bersiva polîsan dan.