Helîme Osman ku li Kobanê di eniyên şer de li dijî DAIŞ'ê şer kir û îro jî li dijî tundiya li ser jinê têdikoşe, diyar kir ku Tirkiye û DAIŞ ji "nasnameya berxwedêr a jinê" ku bi pêşengiya Rêberê PKK'ê Abdullah Ocalan hatiye avakirin ditirsin.
Meclîsa Jinê ya HDP'ê, berî pêşniyaznameya ew ê pêşniyazî Komîsyona Budçeyê ya Meclîsê bike bi jinên bi rêya KHK'ê ji kar hatine avêtin re hat gelhev
Sekretera Jin a KESK'ê Done Gevher Koyûn, anî ziman ku divê budçe pêşî li ser asasê wekheviya zayendî ya civakî be û jinên kedkar ên cemaweriyê doza budçeyeke bi beşdarbûna jinan bê amadekirin û li ser asasê aştiyê dikin.
Parlamentera HDP'ê Ayşe Acar Başaran, di panela "Li Dersimê jin ekolojiyê diaxivin" de diyar kir ku armanca şewatên daristanê bêmirovkirina herêmê ye.
TJA'yê têkildarî girtî Garîbe Gezer ku li Girtîgeha Kandirayê îşkence dît û destdirêjî wê hat kirin daxuyanî da û ev tişt got: "Di şexsê Gezer de, me polîtîkaya çavtirsandin û tepisandinê ya li jinên kurd qebûl nekir û ji niha şûn ve jî em ê qebûl nekin."
Li Girtîgeha Jinan a Sîncanê, Hanim Yildirim û Jiyan Ateş, bi hinceta ku derneketine lîjneyê û Rojdan Erez jî ji ber dosya bi dosya girtiyeke edlî ku ji cinayetê ceza xwariye re hat tevlîhevkirin berdana wan hat astengkirin.
Şaredariya Silopiya bi armanca ji jinan re vekirina qada xebatê "Bazara Keda Jinan" ava dike. Hevserok Edalet Fîdan, diyar kir ku ji sedî 70'yê projeyê temam bûye û armanc dikin ku heta 2 mehan vebikin.
Garîbe Gezer ku li Girtîgeha Kandirayê bi destdirêjiyê re rû bi rû ma û hat îşkencekirin, ragihand ku Dadgeriya Înfazê îfadeyên wê yên derbarê tiştên hatine serê wê de tomar nekirine.
Endama Koordînasyona Jinan a HDP'ê Latife Demîrcî Kahya, ji bo 30 sal cezayê li Ayşe Gokkanê hat birîn anî ziman ku ev ceza peyamek e ji bo têkoşîna jinê û bang li feminîstan kir ji bo piştevaniyê.
Hevseroka KCD'ê Leyla Guven, bi armanca piştevaniyê ji girtiyên filistînî ku dest bi greva birçîbûnê kirinê re name şand.
Li navçeya Golcukê zilamê bi navê A.A. jina bi navê S.G. bi çekê qetil kir.
Li navçeya Pamûkkaleyê zilamê bi navê Fûrkan Zibinci, Şebnem Şirîn qetil kir. Faîlê ku piştî bûyerê reviya hat binçavkirin.
EŞÎK’ê, bi rojevên temsiliyeta wekhev, jiyaneke bê tundî û 5’emîn Paketa Darazê bi şandeyekê serdana Koma Jinan a HDP’ê kir.
22 parlamenterên jin ên HDP'yî, êrişa zayendî û îşkenceya li Garîbe Gezer a li Girtîgeha Tîpa F a Kandirayê tê ragirtin, hatibû kirin, ji Wezîrê Dadê Abdulhamît Gul pirsîn.
Li Edeneyê û Mêrsînê birîna cezayê hepsê ji bo Berdevka TJA’yê Ayşe Gokkan hat protestokirin û jinan got ew ê têkoşîna hevrêya xwe li her deverê mezin bikin.