Di Encamnameya civîna Meclîsa Jinan a HDP’ê de têkoşîna li dijî tecrîdê derket pêş û banga “Werin em hemû bi hev re li dijî rejîma serdest a zilam jiyana nû ava bikin” hat kirin.
Meclîsa Jinan a HDP’ê serdana jinên Partiya DEVA’yê kirin û bal kişandin ser betalkirina Peymana Stenbolê.
Platforma Jinan a Edenê, bertek nîşanî biryara feskirina Peymana Stenbolê da û got: “Em ê destûrê nedin ku hûn me mehkûmê tundî û mirinê bikin.”
Li navçeya Mûratliyê Ekrem A. yê bi hevjîna xwe Ayşe A. re nîqaş kir, hevjîna xwe bi darê zorê bir daristanê û xwest wê bikuje.
Parêzer Rabîa Ozgokçe, diyar kir ku vekişandina ji Peymana Stenbolê wêrekiyê dide faîlên tundiyê û ev tişt got: “Ez difikirim ku ev amadekariya hilbijartina pêşwaxt e. Ji bo ku sozê hilbijartinê bidin beşeke civakê dev ji maf û jiyana jinan ber didin. Ez vê xeternak dibînim.”
Li ser medya civakî dîmenê ku li Muglayê mêr tundiyê li jinê dike hat belavkirin. Li ser vê yekê bertekên li dijî tundiyê zêde bûn. Li ser hesabê Twitterê bi etîketa #BilaEngînCeylanBêGirtin (#EnginCeylanTutuklansın) bertekên xwe anîn ziman û xwest faîl bê girtin.
Dayika bi navê M.K. bertek nîşanî serbest berdana Seyfûllah T. ê li navçeya Xozatê îstîsmarî zaroka wê ya 9 sali kiribû, da û dest nîşan kir ji bo ku dev ji giliyê berde, rastî gefan tê. M.K., diyar kir ku ji bo vê pere teklifê wê hatiye kirin û got: “Ez xwe ji vê dozê nedim alî.”
Li gor hiqûqnasan hêzeke serokkomar ya ku qanûna jimare 6284'an betal bike tune ye.
Endama Konseya Navendî ya TTB'ê Bijîşk Meltem Gunbegî, destnîşan kir ku ji bo tenduristiya civakê pêşî divê tenduristiya jinê baş be. GUnbegî, ji bo civakeke tenduristiya wê baş, îşaret bi Peymana Stenbolê kir ku hemû mafên jinan diparêze.
Komîsyona Dîplomasî ya Jinan a HDP’ê bi Seroka AKPM’yê Petra Bayer re civiya. Di civînê de nerazîbûn nîşanî desthilata AKP-MHP’ê hate dayîn ku ji Peymana Stenbolê vekişiyane.
Baroya Amedê, ji bo ku KADES bi Kurdî jî, xizmetê bike serî li Wezareta Karên Hûndir da.
Fikriye Ozbek ku li dijî hevjînê xwe Hakan Ozbek ku tundiya sistematik lê kiribû parastina rewa kiribû û bûbû sedema mirina wî, di danişînê de serboriya xwe vegot û parêzera wê jî ev pirs ji heyeta dadgehê kir: “Heke Fikriye zilam bûna jî we yê dîsa bi vî rengî ceza bixwesta.”
Cîgira Hevseroka Giştî ya ESP'ê Beycan Taşkiran, anî ziman ku dewlet ji têkoşîna jinan ditirse û got: "Di navbera tevgera azadiyê ya jinan de û dewleta mêr de şer û pevçûneke mezin heye. Kesên ku ji ber vî şerî peymanê ji holê rakirin, dixwazin profîleke 'jina maqûl' çêbikin."
Berdevka Meclîsa Jinan a HDP'ê Ayşe Acar Başaran derbarê betalkirina Peymana Stenbolê de got: "Ji Peymana Stenbolê deshilatdariya AKP-MHP'ê vekişiya, jin venekişiyan e."