Li Girtîgeha Sêrtê rewşa girtiyên nexweş Dûrî Kaygûsû û Kadriye Cengîz nebaş e. Malbatên wan xwestin xizmên wan bên berdan. Parêzer Mûharrem Şahîn jî got ku nexasim girtiyên jin ji ber hin nexweşên nûser, mecbûr dimînin li hemberî gelek pirsgirêkan li ber xwe bidin.
Seroka Giştî ya EVÎD-SEN’ê Gulhan Benlî, diyar kir ku xemsariya dewletê dibe sedema zêdebûna tundiya li ser jinên karkerên malê û ji bo çareserkirina pirsgirêkan pêşniyara pakêtek çalakî kir.
Hejmara meha Kanûnê ya rojnameya Newaya Jinê ku her meh li Ewropayê tê weşandin, bi manşeta "Dîktator tê dariznadina!" derket.
Li Edîrneyê Mehmet Emîn Karaaslan, hevjîna xwe Nîlay Karaaslan qetil kir.
TJA'yê derbarê grevên birçîbûnê yên li girtîgehan hatin destpêkirin daxuyanî da û ev bang kir: "Divê jin, ciwan, sazî, rêxistin û raya giştî li dijî tecrîd û ji bo çalakiyên grêvên birçîbûnê bêdeng nemînin.”
TJA'yê di çarcoveye kampanya"Em xwe diparêzin" li dijî talankirin û wêrankirina xwezayê daxuyanî da.
Meclisa Jinê ya HDP’ê, têkildarî serdegirtina kogûşên girtiyên jin ên li Girtîgeha Kandirayê de daxuyanî da û ev tişt got: “Hûn çiqas êriş bikin em ê jî ewqas bi hêz bibin û piştevaniya xwe mezin bikin.”
Weqfa Stargeha Jinan a Mor Çatiyê ku li dijî tundiya li ser jinê têdikoşe, ji ber 30’emîn salvegera xwe dîmenek weşand û peyama “guhertin pêkane” da.
Jinên li Îzmîrê, bertek nîşanî diravdaniya ji bo têkoşîna li dijî tundiyê îstîhdama ewlekariyê û xizmeta çemaweriyê ya jinan a budçeyê de cih nagire dan û gotin: "Em ne alîkariyê, azadiya aboriyê dixwazin."
Leyla Ozturk a li Tarsûsê dijî ji aliyê Sebahattîn Ozturk ê li Xarpêtê cerdevaniyê dike ve hat kuştin.
Li Qoserê, li ser navê jinên ku li gel astengiya polisan jî meşiyan Hevseroka Giştî ya DBP’ê Saliha Aydenîz axivî û diyar kir ku dema meşa ber bi azadiyê ve ye û ev tişt got: “Em ê destûr nedin ku kes qedera me diyar bike.” Li Êlihê jî jinên ku meşa wan hat astengkirin zincîra mirovan çêkirin.
Li Kobanê jin bi boneta 25'ê Mijdarê daketin qadan. Esma El Kino li ser navê jinan axivî û got: "Heya ku tundiya li dijî jinan bi dawî bibe emê têbikoşin. Em hemû rojên xwe, weke roja têkoşînê ya li dijî tundiyê îlan dikin."
Sazî û dezgehên jinan di çarçoveya çalakî û şahiyên 25’ê Mijdarê de li dehan navendan daketin qadan, daxuyanî dan çapemeniyê û çalakî li dar xistin. Jinên ku gotin û têkoşîna xwe kirin yek gotin: “Ji bo em xwişkek xwe jî bi tenê nehêlin, em ê vê têkoşînê mezin bikin.”
Di salekê de 1841 jinan serî li Tora Tekoşîna li Dijî Tundiya li ser Jinê ku li Amedê xebatên xwe dimeşîne dan. Li Amedê ku 11 jin lê hatin qetilkirin û 15 jin bi awayekî guman jiyana xwe ji dest dan, 657 jinan ji bo hevjinê xwe berdin û 770 jinan jî ji bo mafê parastinê serî li Torê da.
Parlamenterê CHP'ê yê Stenolê Sezgin Tanrikulu, bi minasebeta 25'ê Mijdarê rapora karneya meclîsê ya jinê aşkere kir. Tanrikulu, anî ziman ku di zagonên li meclîsê hatin qebûlkirin de navê jinê tune ye û wiha got: "Li Lijneya Giştî ya Meclîsa Tirkiyeyê de bi giştî 57 saniyeyan li ser cînayetên jinan axaftin hatin kirin. Di 10 mehên ewil ên 2020'an de 246 jin ji aliyê mêr ve hatin kuştin. 151 jin bi guman mirin. Bi giştî 397 jin hatin kuştin."