Ji Kovara Jineolojiyê Rojda Yildiz diyar kir ku îktîdar ji hêla bîrdoziyê ve herî zêde êrişî jinan dike û got ku wan di komxebata xwe de li ser rêbazên têkoşîna hevpar nîqaş kirine.
Parastvana mafên jinan Ruya Kûrtûlûş anî ziman ku polîtîkaya malbata pîroz a AKP ji zilam re qada nû ya tundiyê ava dike û diyar kir ku divê li dijî vê rewşê têkoşîn were dayîn.
Li navçeya Yûnûsemreyê Selda Eller ji aliyê Gokhan Eller ê pê re di asta dest ji hev berdanê de bû ve hate qetilkirin.
Berdevka Meclisa Jinan a DEM Partiyê Halîde Turkoglû destnîşan kir ku wan di konferansa li Enqereyê li dar xistine de ji bo 12 herêman biryara rêxistinbûnê dane û wiha got: “Em rêxistinbûnê weke xweparastinê dibînin. Ji bo jiyaneke azad û wekhev bingehîn rêxistinbûn e.”
Endama Lijneya Weşanê ya Kovara Jineolojiyê Rojda Yildiz axaftina girtinê ya komxebata jineolojiyê kir û wiha got: “Di van du rojan de me vê yekê baş dît ku têkoşîn pir zindî ye, baweriya jinan a ji bo paşerojê pir zindî ye. Di cîhanekî nû de hêviya me ya jiyanekî azad û wekhev heye.”
Komxebata Kovara Jineolojiyê ya “Li dijî pergala mêrsê serdet a di sedsala 21’emîn de polîtîka û rêbazên têkoşîne” di roja duyemîn de bi rûniştinên cuda didome.
Piştî ku weşandina nûçeya dosya ya “Li Colemêrgê şerê taybet” ku rojnamevan Rabîa Onverê amade kir, bi ser mala wê de hate girtin. Di nûçeyên Onverê de bal tê kişandin ku kesên fihûş û sûcên hişbirê dikin çawa tên parastin.
Li navçeya Qoserê jina bi navê Esra Bogurcu bi awayek guman jiyana xwe ji dest da.
Rahîme Kahraman a ku di 22’yê Îlona 1985’an de li herêma Bestayê di pevçûnekê de jiyana xwe ji dest da û cenazeyê wê hat teşhîrkirin, jinên Şirnexî navê wê li keçên xwe kirin û tevî ku 39 sal bi ser re derbas bûn jî navê wê nehat jibîrkirin.
Li Silopiya der barê jinên ku wêneyên Jîna Emînî û NarÎn Guran daliqandinbûn de bi îdiaya “propagandaya rêxistinê” lêpirsîn hat destpêkirin.
Jina bi navê Y.K. a li navçeya Şehîdkamîl dijiya, li mala xwe bi awayekî biguman jiyana xwe ji dest da.
Hevseroka DEM Partiyê ya Sêweregê Selma Gozgu Ayabe ya li navçeya Sêwregê di bîranîna Jîna Emînî de axivî, li dijî tecawiz û komkujiyan banga rêxistinkirinê kir.
Danişîna ewil a Eyup Tûran ê Bahar Karabagê qetil kiriye, hate talokkirin.
Malbata Feray Şahîn a Polîsê Tevgera Taybet Fatîh Bûrak Aykûl ew qetil kir, 7 sal in têkoşîna edaletê dide. Bav Bekîr Şahîn, got: “Ji bo ku hin Ferayên din nemirin em ê vê têkoşînê bidomînin.”
Zozan Ozgokçe destnîşan kir ku di modela ‘malbata pîroz’ a ku AKP wek pîroz dibîne de jin tên qetilkirin, zarok tên îstîsmarkirin û wiha got: “Modela malbatê ya tê ferzkirin jinan lewaz dike.”