Cîgira Hevserokên Tevgera Azadî Tara Hisên, der barê girtina endamên Tevgera Azadî ên li Hewlêrê de daxuyanî da û got: “PDK bi girtina endamên me dixwaze binpêkirinên xwe yên ne exlaqî, ne demokratîk û ne mirovî li dijî azadîxwazan berdewam bike. Lê wê vê carê jêre nemîne û helwestek me ya cûda hebe. Em ê dest bi çalakiyên girseyî bikin.”
Alîkarê Hevserokê Giştî yê HDP’ê yê ji aboriyê berpirsiyar Garo Paylan, ji Wezîrê Xizînê û Maliyê Berat Albayrak tenê pirsa “Gelo hûn difikirin ku îstîfa bikin?” kir.
Berdevka HDP'ê Ebru Gunay, balkişand tecrîda li ser Rêberê PKK'ê Abdullah Ocalan û diyar kir ku li Îmraliyê sûcekî navnetewî tê meşandin. Gunay, Peymannameya Stenbolê jî nirxand û got: "Ev kesên ku kampanyayên vekişîna Peymannameya Stenbolê dimeşînin, alîgirên qetlîamên jinan in. Heman zihniyetê diparêzin."
Nûnerên partiyên siyasî yên piştgiriya danezana “101 Porspî” ya ji bo tifaqa demokrasiyê kirin, diyar kirin ku pratîkeke li gor bangawaziyê divê û hin pêşniyar dan ber îmzevanan.
Hevserokên Giştî yên HDP'ê Pervin Buldan û Mithat Sancar, bi minasebeta Cejna Qurbanê peyama pîrozbahiyê weşand û xwest her kes li dijî şewba vîrûsa coronayê tedbîrên xwe bigirin.
Şandeya Tevgera Azadî ya Civaka Kurdistanê (Tevgera Azadî) li Bexda li gel Serokê Meclîsa Bilind a Îslamî ya Iraqê Humam Hemudî civiya û geşedanên dawî û karên hevbeş niqaş kirin.
Li Meclîsê wekîla AKP’ê Oya Eronat heqaret li wekîlê HDP’ê Huseyîn Kaçmaz kir û çêrî wî kir. Di encama dengdayînê de jî “cezayê şermezarkirinê” nedan Eronat.
Parlamenterê Komeleya Îslamî ya Kurdistanê yê berê Soran Omer ê ku mafê destnedayina wî hat rakirin, têkîldarî polîtîkayên ku hikûmeta Herêma Kurdistanê birêve dibe got: “Tişta ku niha Tirkiye li hemberî parlementerên kurd ên bakur dike, PDK jî li başur heman tiştî li hember parlementeran dike. Em ê li dijî van kirinan têbikoşin û paş de gav neavêjin.”
Serokê Giştî yê CHP'ê Kemal Kiliçdaroglu, di civîna koma partiya xwe de diyar kir ku soza çareseriya pirsgirêka Kurd dide û wiha got: “40 salin pirsgirêka Kurd tê niqaşkirin. 40 salin çima nayê çareserkirin? 40 salin otorîteya siyasî pirsgirêka Kurd çareser nekir. Ez soz didim ku vê pirsgirêkê di nava stantardên demokratik û serxwebûna Tirkiyeyê de çareser bikim.
Rêxistina HDP’ê ya Erdîşê, wê derberê kesên di pêvajoya pandemiyê de, bêyî agahî û destûra wan kirine endamê AKP’ê de, gilî bike.
Berdevkê Serokkomariyê Îbrahîm Kalin, derbarê xutbeya Serokê Diyanetê de ev tişt got: “Mele Alî Erbaş tenê ji weqfiyê jêgiran kir. Di xutbeyê de ziman dirêjiya li Ataturk ne mijara gotinê ye. Ji vir encama ‘ziman dirêjî Ataturk kiriye’ dernakeve.”
Cîgirê Hevserokê Giştî yê HDP'ê Tayip Temel, destnîşan kir ku hêzên îxtîdarê dixwazin Tirkiyeyê di aliyê çareseriyê de bixetimînin û aktorê siyasî ku Tirkiye derxe ronahiyê û çareseriyê pêş bixe Rêberê PKK'ê Abdullah Ocalan e.
Parêzerên Parlamenterê HDP’ê Leyla Guven û Musa Farisogullari ji bo cezayê wan betal bibe serî li Dadgeha Destûra Bingehîn (AYM) dan. Yê AYM'ê bi hinceta “Bê erkiyê" serlêdan red kir.
Teklîfa qanûnê ya ku sînordarkirina medya civakî bi xwe re tîne ji aliyê Komîsyona Edaletê ya Meclîsê ve hat pejirandin.
Hevserokê Giştî yê HDP’ê Mîthat Sancar, diyar kir ku Komkujiya Pirsûsê destpêka serdemeke bi xwîn bû û got: “Li Tirkiyeyê, encamên hilbijartina 7’ê Hezîranê, weke ku mizgînaya biharê bû. Lê, hevkarên îro yên desthilatdariyê di 8’ê Hezîranê de biryarên xwe dabûn. Ev bihar wê bifetisandana. Komkujiya Pirsûsê yekemîn gava girîng a vê fetisandinibû.