Li Amedê bi pêşengiya TJA'yê bi hezaran heta Ulu Camiyê meşiyan û jinan diyar kirin ku dê li dora 'Banga Aştî û Civaka Demokratîk' bibin yek û azadiya fîzîkî ya Rêberê Gelê Kurd Abdullah Ocalan xwestin.
Di çalakiyên Enqere û Stenbolê de hat diyarkirin ku pirsgirêkên tenduristiyê yên girtiyên nexweşên giran Firat Nebîoglu û Mecît Başdaş her roja diçe girantir dibe û daxwaza tehliyeya wan hat kirin
Li Amedê bi sernavê 'Civaka demokratîk û mafê hêviyê' panel hat lidarxistin. Elîf Tûran bal kişand ku mafê tenduristî û jiyanê diyar kir ku ev maf nabin mijara bazarê.
Bi minasebeta 20’mîn salvegera koça Ekîn Ceran Dogrûak, bi merasimekî ve li ser gora wê hat bibîranîn.
Xizmên windayan di çalakiyên vê hefteyê de bal kişandin ser çalakiyên Dayikên Şemiyê ku 30 sal in didome û gotin ku dê têkoşîna xwe bidomînin.
Di komxebata bi navê “Di Têkoşîna li Dijî Tiryakêşiyê de Nêzikatiyên Pirhêl” a di pêşengiya Meclisa Tenduristiyê ya Konseya Bajarê Amedê hate lidarxistin de giringîya xeta rêxistinkirinê ya li dij têryakêşiyê hate destnîşankirin.
Şandeyeke Rêveberiya Xweseriya Demokratîk a Bakur û Rojhilatê Sûriyeyê bi armanca bi rayedarên desthilata Şamê re hevdîtin pêk bîne çû Şamê.
Çalakiya Dayikên Şemiyê di sala 30'emîn de ye û vê hefteyê aqûbeta Mehmet Saît Zengîn hat pirsîn û çalakgeran got: "Em aştiyê û windayan dixwazin. Em aştiyê û heqîqetê dixwazin. Em aştiyê û edaletê dixwazin. Em aştiyê û demokrasiyê dixwazin."
Hevseroka DEM Partiyê di çalakiya xizmên windayan de axivî û got, "Divê ev rûbirûbûna rasteqîn pêk were. Divê lêborîneke fermî ji malbat, civak û her kesên berdêl dane, bê xwestin."
CHP'ê piştî operasyona binçavkirinê ya li dijî Şaredariya Bajarê Mezin a Stenbolê biryara civîna awarte da.
Zanyara siyasetê Yasemîn Ozgun balê kişand ser nîqaşên li ser pirsgirêka Kurd û got, "Bêyî ku di rêya demokratîkbûnê de gavan biavêjin, pêşketin gelekî ne pêkan e. Aştî û demokrasî ne tiştên ji hev cuda ne; ew tişt in ku dikarin bi hev re bimeşin."
Hat diyarkirin ku çawişê pispor O.S. ê ku li Fermandariya Cendermeyan a Hezexê peywirdar bû întîxar kiriye.
Rojnamevan Alî Dûran Topuz diyar kir hem nûçeyên di medya hikûmetê de tên weşandin û hem jî xebatkarên medyaya wan daxuyaniyên samîmî yên der barê pêvajoyê de jehrî dikin.
Kurdên li Japonyayê dijîn di hedefa komên nîjadperest de ne. Sekreterê Giştî yê Komeleya Çanda Kurd a Japonyayê Vakkas Çolak ragihand ku di nava kesên dij koçber de kesên bi nêzîkbûna wek alîgirên Partiya Zaferê jî hene.
Di karesata keştiyê ya li Gola Wanê de ku 61 kesan jiyana xwe ji dest dan, cezayê ji bo kaptanê keştiyê Medenî Akbaş ji hezar û 30 salî heta hezar û derket 50 sal û 9 mehan. Di biryarê de wek sedem jî gelek îhmal hat nîşandan.