Namzetê HDP’ê yê Hevşaredariya Mûşê Sirri Sakik, diyar kir ku 2 hesar û 500 dengê hatiye bikaranîn, hatiye betalkirin û wiha got: “2500 dengê çûye sindoqê hatiye betalkirin. Deng heye, lê hêj em bi ser neketine. Ji ber ku xezp heye.
Hevserokê Giştî yê HDP’ê Sezaî Temellî li Stenbolê dengê xwe bikar anî. Temellî zerfa dengê xwe bi gotina “Demokrasî bi ser dikeve” berda sindoqê.
Li Şirnexê bi deh hezaran welatî tevî barana zêde beşdarî mîtînga HDP'ê bûn. Di mîtînge de Hevserokê Giştî yê HDP'ê Sezai Temellî bi coşek mezin hat pêşwazîkirin. Temellî, di mîtingê de got: "Deng û rayên me biçin ku pir baş tê zanîn. Ev deng wîcdanî ne. Ev deng Cizîr, Şirnex û Mehmet Tunç û Dayika Taybet in. Demokrasî wê di 1'ê Nîsanê de li Tirkiye belav bibe.
Hevserokê Giştî yê berê yê HDP’ê Selahattîn Demîrtaş ku girtî ne bang li hilbijêrên HDP'ê kir û got: "Ya ku encama vê hilbijartinê diyar bike dengê we ye. Dengên stratejîk wê hêza me nîşan bide. Biçin dengdayînê.”
Hevserokê Giştî yê HDP’ê Sezaî Temellî bang li gelê kurd kir û got: “Heke navê HDP’ê hebe dengê xwe bidin HDP’ê. Heke navê HDP’ê tune be kî li dijî îtîfaqa AKP-MHP’ê xurt be dengê xwe bidin wî. Ev tercîhek ku hêza HDP’ê dide nîşandinê ye. Li Amed, Qers û Wanê HDP’î bi kîjan hestî diçin ber sindoqan, li Stenbol, Antalya û Îzmîrê jî dê bi heman hestî biçin dengê xwe bidin.”
Hevberdevka HDK’ê Gulîstan Kiliç Koçyîgît, di mîtînga Milazgirê de xwîtabî gel kir û got: “Ji bo ku hûn zilmê li me bikin, me deriyên Milazgirê venekirine. Me ji bo jiyanek hevpar ev derê vekir.”
Namzeta HDP’ê ya Hevşaredariya Çankaya Fîlîz Kerestecioglu, xwest her kes di 31'ê Adarê de biçin ser sindoqan dengê xwe bavêjin û wiha got: "Hilbijartina 31'ê Adarê ya herêmî dikare deriyê demokrasiyê veke. Dikare bibe wesîleya ku Tirkiye bêhnê bistîne."
Hevserokê Giştî ye HDP'ê Sezaî Temellî, li Bismilê li gel baran û gijlokê bi hezaran re hat cem hev tev li mîtîngê bû. Temelli, anî ziman ku ew dê di 31'ê Adarê de bersîvek xurt bidin îktîdarê û wiha got: "Em dê biçin ser sindoqan. Wê HDP û demokrasî ji sindoqan derkevin.
Berdevkê HDP’ê Saruhan Oluç diyar kir ku cara ewil e kampanya hilbijartinek wiha ku ji terbiyeya siyasî û ehlaqê dûr e tê birêvebirin û got: “Em hemû wan heqaretên we li we vedigerînin. Em ê hesabê van heqaretan bi rêyên siyasî bipirsin.”
HDP, KCD, DBP û HDK'ê têkildarî geşedanên dawî û tecrîdê civîna hevpar pêk anîn. Di civînê de Hevseroka Giştî ya HDP'ê Pervîn Buldan, anî ziman ku bêdengiya îktidarê ya li hemberî daxwazên girtiyan nayê qebûlkirin û wiha got: “Hûn çi bikin bikin hûn nikarin ji berpirsiyariyê birevin. Berpirsê kesên di bin parastina dewletê de jiyana xwe ji dest dide hûn rayedar in.
Hevserokê Giştî yê HDP'ê Sezaî Temellî, li Navçeya Seyhanê ya Edeneyê bal kişand ser cenazeyên ku ji girtîgehan derdikevin û wiha got: "Hikûmet bêdengiya xwe ya li hemberî çalakiyên li dijî tecrîdkirina li Îmraliyê berdewam dike. Ji ber ku hikûmet guh nade daxwazênk girtiyan îro cenazeyê çaremîn ji girtîgehê derket. Em dê ne bi mirinê, emê bi jiyanê têbikoşin û tecridê bi dawî bikin."
Hevserokê Giştî yê DBP'ê Mehmet Arslan, di mîtînga li navçeya Gimgimê ya Mûşê de bertek nîşanî revandina cenazeyê Zehra Saglam da û wiha got: "Dixwazin Kurd ji zilma li wan tê zilmekê hilbijêrin. Lê gelê me wê di 31'ê Adarê de bersîva herî rast bidin wan."
Heyeta Norveçê ya li Sêrtê HDP’ê ziyaret kir got: “Ji duh ve em malbatan ziyaret dikin. Dema em li rewşa malbatan dinêhirin qewimandinên li Tirkiyeyê şerma mezin e.”
Hevserokê Giştî yê HDP’ê Sezaî Temellî li Navçeya Dihê axivî û got: “Newrozê wê îsal heta 31’ê Adarê dewam bike. Em heta 31’ê Adarê bi ruhê Newrozê bixebitin û em ê têkoşîna aştî û demokrasiyê bigîhinin serkeftinê.”
Parlanentera HDP'ê ya Sêrtê Meral Daniş Beştaş, diyar kir ku êrîşkarê avahiya HDP'ê Sedat Kizilkan ê bi çekan êrîşî avahiya buroya hilbijartinê ya HDP'ê kir, beyî îfade bide serbest hatiye berdan û mijar bir rojeva meclîsê.